2022.8.28-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,542,136 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2022.8.24 《前一篇

後一篇》 2022.9.3

回應

給他日記貼紙

給他愛的鼓勵

檢舉

篇名: 2022.8.28
作者: C	日期: 2022.08.28　　天氣: 　心情:

今仔日是八月廿八，禮拜日，我佇葛雷多摸非。

8/25(四)我以為愛開會，透早先去葛雷多摸非，順紲買早頓。
欲九點出門上班，結果會議毋我的名單。加走一逝，誠漏氣，
毋過提到部門的影印卡，愛分予逐家。閣去提我訂的冊，我久無來收矣。
蔡董來，佮伊討論過去佮這馬的版本問題，伊共我借以早的冊，
伊予我看伊整理的資料，誠用心，我攏猶未開始，伊就做好矣。莫怪人是蔡董，我是掣咧等。
我其實一直咧拖，攏無款廠房辦公室。另工開工了看欲按怎。
中晝轉去食糜。
阿妹佮新竹貴婦出去食飯，伊來揣。妹婿就取兩个囡仔去科工館。
下晡先共阿妹仔洗的衫提去披，誠濟，用誠久，愛叫伊較捷洗咧，
毋但較快披、省時間，洗衫機嘛較絞會行，洗較清氣。
取囡仔下課，伊佮和同學耍，囝仔的跤手有較猛掠矣，有進步矣。
看伊同學嘛是乖乖斯文的，猶誠細漢款。
伊老母另外閣取一个妹妹看阮耍。

8/26(五)
今仔日真正愛開大會。我較早出門。
結果袂記紮卡去分，報告講誠久，聽無啥有。
第一个會開了先轉去提卡去分
閣隨開第二个會，關於特殊產品問題的部分
涂老大決定吸收這項產品，加以改造。誠是偉大。
我想到對囝仔嘛是按呢。
楊董講伊是用看病人的態度來面對。
天下道理仝一款，咱食這途，做了好，攏會當用佇个方面，應付所有人事物
對家己囡仔嘛是，心理愛有夠強大
像昨暝影片咧講球探閣球員仝款，心理素質愛無受對手環境激怒才會贏。
我嘛是莫對囡仔受氣才好。
前幾冬的傷痕猶佇咧，我愛控制脾氣性地才好。
疫情予我懶絲落去，我愛振作起來。

中晝轉去食披薩，阿姐佮謝古錐來，我轉去前先買一罐沙士轉去
下晡洗衫提去披，佮落去排。
去取囡仔下課，無留佇遐耍，直接先轉來，因為囡仔愛去噗噗嚕
我閣綴伊去，因為愛順紲還冊。
囡仔彈琴表現愈來愈穩定矣，

8/27(六)透早期太太機車來葛雷多摸非，順紲買早頓。
中晝規家去寒暄聚餐。阿姐姊夫講欲請阿妹仔規家，因為後禮拜欲轉去美國矣
食了囡仔想欲點歌唱歌，我予伊家己去共服務阿姨講
伊一直毋敢，我一直鼓勵嘛無效，我愛予伊知影，想欲啥物就愛勇敢爭取，毋敢就攏無機會
結果阿姐嘛問，結果阿姨欲唱講愛事先講，實踐欲到矣，就無開機矣。
下晡囡仔無想欲睏，我煞陪伊睏去矣
暗時傷飽煞無食飯。
囡仔講想欲食八方雲集，太太去買煞無開。
泡茶時，阿爸無知無歡喜啥，一直共我雜念
講囡仔哪會無愛食厝裡愛食外口，哪是阿母洗碗....
我就講我袂曉教，教甲太太毋洗碗、囡仔毋佇厝食飯...
較暗時，囡仔講枵欲食飯，我用予食，伊煞吵講肉鬆就好，閣用力蹔跤步，共阿公驚到。
我就受氣共飯提起去樓頂予食，袂當留佇樓跤。

我真正歹性地閣無耐性。
我愛改愛改。

標籤:

瀏覽次數:157 人氣指數:357 累積鼓勵:10

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：