2024.6.22-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,548,567 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2024.6.16 《前一篇

後一篇》 2024.6.30(日)

回應

給他日記貼紙

給他愛的鼓勵

檢舉

篇名: 2024.6.22
作者: C	日期: 2024.06.22　　天氣: 　心情:

今仔日是六月二二，禮拜六。我佇葛雷多摸非。
6/21(五)拜五，透早開車載囝仔上課，去上班。買早頓卵餅閣加豆油。
趕出三批產品檢驗。十一點去錄影。下晡干焦提著1000箍的賞金。我感覺是另外500箍予彼咧囝仔提去矣。
中晝辦公室蔡仔訂披薩佮涼仔加菜，逐家公家出，一人188。
太太講醫生看丈姆的跤，是因為以早開刀，加釘仔彎去去壓迫著神經，這馬會當用微創手術解決，算起來愛較欲十五萬。
咱只是欲換一个醫生檢查，了解一下仔跤麻的原因。抑無，丈姆定定跋倒。
至於敢有欲開刀，嘛是愛看兩位舅仔的意思啦。
下晡阿妹仔規家對美國轉來矣。我載太太佮囡仔去噗噗嚕了，佮去中華電信納錢，閣提證件去病院共丈姆退錢。

6/20(四)透早太太開車載囝仔轉來換衫，提冊包上課，閣載我上班。
中晝過，丈姆予大舅仔載轉去台中。
因為下晡一批停廠，改用視訊。
我透早趕出一份臨時報告，欲予後禮拜應付檢驗時用的。

這兩日我佮太太為著陪丈姆來高雄，攏誠無閒。太太載伊四界去。
目的是欲去予一个醫生檢查。彼位醫生佇十外冬前，幫阿爸開刀過，感覺誠有醫德，所以推薦予太太佮丈姆。

6/19(三)透早我欲上班進前，先去麥味登買早頓起去予丈姆三人食。開較欲三百箍。
因為我知影丈姆早起床，若等到太太去到遐，就欲倚晝矣，
太太騎車來公司邊仔，我共車交予伊駛，機車寄囥亭仔跤。下晡予我騎轉去。
下晡我載囡仔去上機器人，就佇邊仔711看四號產品單仔。
囡仔做一台掃地機器人。下課了我載轉來捷運站邊仔，予太太載去新厝過暝。

6/18(二)丈姆佮大姨對台中來高雄。太太去高鐵站接，換坐捷運。我開車去巨蛋載。
丈姆看我誠歡喜，一直予我牽咧行。
車交予太太了，我行轉去上班。
下班時我去捷運站邊仔的加油站牽機車。取囡仔去上英語，
我轉去食飯，下課載囡仔去新厝，拄著太太佮慶哥哥買暗頓。
做伙起去食。八點半開車載囡仔轉來。
太太較暗才轉來。

6/17(一)暗時，太太講囡仔無啥爽快，所以取去予三擺箍收驚。
其實我是感覺伊有驚著。
一方面是因為摔落來，一方面是因為這幾日予太太歹性地驚著。
收驚師父講囡仔愛教，毋通倖。
歹，愛當面講予知，莫雄雄共驚著。

標籤:

瀏覽次數:171 人氣指數:191 累積鼓勵:1

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：